TONGSIS MODEL OPO IKI ??

Dino iki rasa-rasane aku lagi konslet, barang ora ono kegiatan, sinyal internet empet-empetan. lhah kowe reti to nek lagi jenuh kui kepiye rasane. yo kepepet-pepete golek acara. rencanane arep ngerjani wong-wong tapi iki lagi musime wong penyakiten. wedine ngerjani wong sing di kerjani lagi keno struk, ora malah gae masalah ngger. walaupun uripku kakean masalah tapi aku berusaha ora sambat lan susah. di empet wae. donga sg temen karo usaha.

lha critane iki mau aku nemu alumuniom batangan gae nyondoli jambu ning mburi omah kiro-kiro dawane 6 meteran, iku asline yo bekas tak gawe crane camera. tapi wis ra kanggo yo sidane tak gae nyondoli jambu bosok ning mburi omah. rasane awak lan pikiranku ki kurang piknik. jebul tenan barang reti wesi dowo kui tak sawang-sawang yo koyok nek nyawang ABG ayu ning sinetron ngono kae lah le. dramatis karo musike siksa kubur.

Aku nyawang-nyawang wesi sing gae nyondoli jambu bosok kui sue banget. dramatis pokok'e. awakmu kebayangkan sinetron nek lagi nyawang wong ayu karo di slow montion? yo smono ugo aku, nyawang gotek sundul jambu dramatis koyo ngunu, tapi backsoun musike gamelan "Lingsir wengi'. soyo sue pikiranku nyantol. nyantol ning kui alumunium dowo. rencana pertama arep tak gae pemancar sinyal in**sat :), #sensore kliwat. lha salahe sinyal operator sing ono mung T**kampret, wis larang tur cepet ntek soale sinyale jos, gae kertu iki ng kampung tak gae modem kudu wani perih ndes. tapi rencana gae tower gagal soale ora di ijinke mbokku. wedi keno radiasi geleombang elektromagnetik. opo-opoan emak iki.

Nah bareng aku nyawang soyo jero akhire aku krungu HPku muni " Mak Klunting ". lha pas iku aku mak bedunduk due ide. HP tak cekel terus langsung tak taleni gae Rafia ng pucuke sundul jambu sing dawane ono 6 meteran kui. wislah bar kui dadi tongsis terpanjang di dunia, aku asline yo isin kon selfie-selfie koyok cah enom-enom saiki. tapi wislah demi gae testimoni "TONGSIS TERPANJANG DIY " iki aku yo karo sok imut , rodok di ganteng2ke sitik walaupun mekso yo langsung exis gae tongsis kui. isin sumpah isin aku..isin-isin tapi kemenyek.

Soko hasil uji coba tongsis DIY gaweanku kui ono kelebihane lan kekurangane. iki tak sebutke kekurangan lan kelebihane. soko kelebihane disik yo cuk. sing pertama tongsis iki iso gae koe tambah gaul 85%. ora ono saingane ropamu soyo ganteng mergo ketok soko kadohan ( 6 Meter ), terus koe iso selfie karo koncomu sak RT mergo jangkauane ombo di banding tongsis-tongsismu kui. tur multi fungsi iso mbuk gae nyolong buah-buahan lan iso mbuk gae jemuran lan gagang pancingan. gae gurak pitik malah mandes.

tapi ojo gumun sek, sak luwihe kui ono kekurangane lho. kekurangane yoiku durung di lengkapi tombol otomatis, iki lagi proses. rencanaku arep tak wenewhi sensor eseman ( senyum ) dadi nek mesemmu maksimal pol manis langsung jepret (iki mesakke sg rupane koyok aku pas-pasan mesti ra jalan sensore). kekurangan seteruse yoiku tongsis iki rodok abot soale titik berate isih abot nig pucuk. tambah maneh tonsis iki lagi di pruduksi siji tok-tok. iyo siji tok. yo sabar sek :). tak kiro mung iku kekurangane.

iki hasile TONGSIS DIY TERPANJANG DI DUNIA DAN DI ALAM GAIB. haha wis semene wae postinganku. iki mungkin tulisan sing ora genah tapi wis percoyoo wae aku gak gedebus, aku cerito opo anane. syukur-syukur iso menghibur koe-koe. tapi nek semisal koe do pengen muntah aku wis nyepaki duet gae koe-koe tuku plastik.. :) OJO LALI SUMRINGAH, BUNGAH LAN MESEM MAKSIMAL..